يعتبر الترويج لروابط الأفلييت على الفيسبوك أو على وسائل التواصل الإجتماعى الأخرى طريقة مهمة جداً؛ حيث أن المسوقين يستطيعون البدء فى عملهم والترويج لروابط الأفلييت دون إمتلاك موقع.
ولكن من المهم جداً أن تعلم أن Facebook يحظر روابط الأفلييت أى أنك اذا قمت مباشرة بنشر رابط الأفلييت الخاص بك فسوف يتم حظره، ولقد تحدثت فى موضوع سابق عن طريقة رائعة لنشر روابط الأفلييت الخاصة بك مباشرة دون أن تحظر، ولكن ما سنتتطرق إليه اليوم هو كيفية بناء جمهور لك على الفيسبوك وكيف يمكنك الحصول على تعحويلات إلى رابط العمولة الخاص بك.
والأن تعالوا نعرف ازى هنتمكن من التسويق بناجاح لروابط الأفلييت (العمولة ) الخاصة بينا.
هنعرف فى موضوعنا النهردة على بعض الطرق اللى من خلالها هنقدر نحصل على أعداد كبيرة من التحويلات على روابط الأفلييت الخاصة بينا.
طبيعى إذا كنت مش عايز تخسر فلوس كتير فى إنشاء إعلانات لترويج فمن المهم جداً إنك تقوم بإنشاء قاعدة جماهيرية وده موضوع سهل إنك تقوم بيه.
# مجموعات الفيسبوك
مجموعات الفيسبوك من الأشياء المهمة جدا جدا جدا على الفيسبوك وتجربتى الشخصية مع إستخدام جروبات الفيسبوك كانت مميزة وناجحة جداً.
تخيل مثلاً انت لو بتسوق لتذاكر طيران ( تسويق بالعمولة ) ودخلت فى جروب بيتكلم عن السفر والترحال بالتأكيد هتلاقى تفاعل كبير ، بس الموضوع مش بالبساطة دى - إزاى يا عم سفيان ما نت اللى بتقول كده ؟؟!
أقولك أنا لما تجيب رابط الأفلييت بتاعك وتنشره فى الجروب مباشرة ( ده إذا اتصرفت فى حظر الفيس بوك لروابط الأفلييت زى ما اتعلمنا قبل كده ) كدة مجرد كلمتين وتحت منهم الرابط - أبقى قابلنى لو حد قرىا البوست أصلاً - أمال إيه؟؟! .. بص يا سيدى
أولاُ لو إنت ضفت مع البوست صورة مميزة نقدر نقول احترافية بمعنى الكلمة دى أول حاجه هتشد المستخدمين - تخيل بقى لو أن انت شخص أصلاً مهتم بالسفر وبتكلم عنه كتير فى الجروبات المتخصصة فى السفر ، يعنى الناس عارفينك ومتابعين مقالاتك وبوستاتك العادية عن السفر ، كده يبقى الموضوع تمام جداً كمية التحويل اللى هتبقى على رابط الأفلييت كبيرة.
ثانياً: انك تسوق بشكل مباشر لرابط الأفلييت الخاص بيك زى مثلاً ( تذكرة طيران من... والى... ب ... أو إشترى تذاكر طيران وأحصل على خصم .... ) طبعا الكلام ده مينفعش لازم تسوق بشكل غير مباشر؛ يعنى لو نزلت مثلاً بوست بيتكلم عن أرخص مواقع للحصول على تذاكر رخيصة وجيت ضفت الرابط بتاعك فى وسط الموضوع - كده أصبحت نسبة الضغط على الرابط أكبر شوية.
ثالثاً: من المهم جداً والأفضل ليك انك تكون بتمتلك موقع أو حتى مدونة بلوجر مجانية بسيطة زى المدونة الى حضرتك بتقرأ عليها البوست دلوقتى ، طبعا الموقع ده او المدونة بتشرح فيه خبرتك او معلومات عن المجال الخاص بيك ، يعنى ممكن تحول المستخدم من فيسبوك لمدونتك من خلال صورة معمولة بشكل احترافى وبعد كده ييجى المستخدم على المدونة ويلاقى اللى بيدور عليه فعلاً، وطبعا رابط الأفلييت هيكون ضايفه وسط المقالة .
# صفحة الفيسبوك
من وجهة نظرى انه أكيد لو عندك موقع او مدونة وبتتكلم فيه عن محتوى معياً طبيعى لازم يكون عندك صفحة على الفيسبوك بتضيف فيها آخر مقالاتك.
لكن لو مكانش عندك موقع أو مدونة فأعتقد ان الجروبات أفضل بالنسبالك لأن طبعا زى ما كلنا عارفين ان الأشخاص بيتفاعلوا مع الجروبات بشكل أكبر من الصفحات، ولو انت أنشات صفحة ومكانش عندك موقع يعنى أنشأتها لتسويق روابط الأفلييت مباشرة كده ، اوعدك انك مش هتكمل أسبوع واحد وهتلاقيك نسيتها أصلاً.
وطبعا أحنا إتكلمنا قبل كدة فى موضوع مهم جداً وهو كيف يمكنك إنشاء صفحة فيسبوك إحترافية لتشاطك التجارى فى 8 خطوات سهلة.
يبقى صفحة الفسيبوك هتكون مهمة جدا لو انت عندك موقع أو مدونة، مكانش يبقى بلاش منها أحسن.
حاجة مهمة جداً عايز اتكلم عنها وهو انك لما تيجى تشتغل فى التسويق بالعمولة ياريت تختار مجال واحد تتعلم عنه كتير وتاخد خبرة ومعلومات عنه عشان لما تيجى تسوق لمنتجات او روابط فى نفس المجال ده ، هتعرف تسوقها بشكل صحيح ، هتعرف ايه اللى ناس محتاجاه وهتقدموا ليهم.
لا يوجد تعليقات
أضف تعليق